ញូដេលី ៖ ត្រឹមរយៈពេល២៤ម៉ោងកន្លងប៉ុណ្ណោះប្រទេសឥណ្ឌាកើនចំនួនអ្នកឆ្លងជំងឺកូវីដ១៩ សរុបចំនួន ៤១៤,៤៣៣នាក់ថ្មីទៀត ខណៈអ្នកជំងឺមានរហូតដល់ ៣,៩២០នាក់បាត់បង់ជីវិត។ ចំនួនករណីឆ្លងថ្មីៗនេះ ដែលបានប្រកាសចេញជាតួលេខខ្ពស់បំផុត ដែលប្រទេសឥណ្ឌាទើបតែបានជួបក្នុងគ្រានេះ។ តាមប្រភពសារព័ត៌មាន Times of Inida (TOI) នារសៀលថ្ងៃសុក្រ ទី០៧ ខែឧសភា ឆ្នាំ២០២១។

គួរបញ្ជាក់ថា ស្ថិតនៅចំពោះមុខមហន្តរាយលើវិស័យសុខាភិបាល បង្កឡើងដោយជំងឺកូវីដ១៩ ដែលនិងកំពុងវៃប្រហារ ប្រទេសឥណ្ឌាកន្លងមកនេះបានទទួលជំនួយពីបរទេស ពិសេសគឺអុកស៊ីសែន និងគ្រឿងបរិក្ខាពេទ្យជាង ៣,០០០តោន ។ បើតាមការចេញផ្សាយដោយ BBC កាលពីថ្ងៃ៦ ឧសភា ២០២១ នេះប្រជាជននៅឥណ្ឌាមួយចំនួនបានរិះគន់ថា ជំនួយពីបរទេសភាគច្រើន មិនបានទៅដល់ដៃអ្នក ដែលកំពុងត្រូវការខ្លាំងនោះឡើយ៕